တင်းနစ်

တင်းနစ်ပွဲတွေက လူကုန်ထံတွေကစားတဲ့အားကစားနည်းတစ်မျိုးဆိုတော့မ၀င်ဆန့်ခဲ့တာအမှန်ပါ။ မကစားတတ်ဘူးပေါ့။ ကျောင်းရောက်တော့နည်းနည်းပါးပါးကစားဖြစ်ပေမဲ့ အမှတ်ရေတတ်ယုံပါပဲ။ ကိုယ့်နိုင်ငံကလည်းပေါက်ပေါက်မြောက်မြောက်မှမရှိတာလေ။ သိမ်ဖြူကွင်းမှာကျင်းပတဲ့ပွဲတွေသွားမကြည့်ပေမဲ့ အနိုင်ရတဲ့သူဟာ အမ်တူတူဂျာ ပဲဆိုတာလောက်သိခဲ့တာပါ။ နောက်ပိုင်းတော့တော်တော်များများ ကြည့်နိုင်တဲ့အခြေအနေရခဲ့တာကို ကံကောင်းထောက်မစွာနှင့် ကမ္ဘာ့အဆင့် မြင့်ပြိုင်ပွဲတစ်ခုကို နှစ်ရက်လောက် သွားကြည့်ဖြစ်ပါတယ်။ ကစားတာလည်းကြည့်တတ်နေပြီဖြစ်ပေမဲ့ တင်းနစ်အားကစားမယ်လေးတွေရဲ့အလှကိုချန်ပြီးရေးမယ်ဆို ဒီပို့စ်ကပြည့်စုံမှာမဟုတ်ဘူးလေ။ တကယ်လှလှပပလေးတွေပါ။ အလှအကြောင်းဒီလောက်ပြောနေပြီဆိုရင် အားပေးတဲ့သူက ရှာရာပိုဗာလို့ထင်ကြတော့မယ်ထင်ပါရဲ့။ ဘာပဲဖြစ်ဖြစ်သူနာမည်ကိုအရင်ရေးဖြစ်သွားပါဘီ။ တကယ်က နှစ်လိုဖွယ်ရှိတဲ့ မီးစကင်နာ ကိုပိုကြိုက်မိပါတယ်။ မာနမရှိတဲ့မျက်နှာရယ်။ လူပိန်ပေမဲ့ ဘယ်ကထွက်မှန်းမသိတဲ့အားနှင့်ရိုက်တဲ့ရိုက်ချက်တွေကအားရစရာလေ။ တကယ်တော့ စိတ်ဓါတ်လို့ပဲထင်မိပါတယ်။ အလှကြီးမဟုတ်ပေမဲ့ သူ့ကိုပဲအားပေးမိတာအမှန်ပါ။ ဒါပေမဲ့ သူလည်းအောင်မြင်မူတွေ အများကြီးမရပဲ အဆင့်(၂) အထိသာအမြင့်ဆုံးတက်လှမ်းနိုင်ပြီးအနားယူသွားခဲ့ပြီလေ။ ခုတော့ ဒီမင်တရေးဗာကိုစောင့်ကြည့်ရင်း။ ဆာဖင်နာ က သူ့ထက်အဆင့်မြင့်နေတာ မနာလိုဖြစ်မိနေသေးတယ်။ အကြောင်းသိတွေရယ်တော့မယ်။ အားပေးတဲ့သူကလည်းရုရှားသူတွေကြီးပါလားဆို။ ဘာလို့လည်းဆိုတော့ ဟို နိုင်ငံကြီးကကပ္ပလီညီအမ နှစ်ယောက်ကို မကြိုက်တာလည်းပါပါတယ်။ မဲမဲသဲသဲ အလှတွေဖေါ်လွန်းလို့။ အဲဒီအချိန်မှာ အကြောက်ရဆုံးပြိုင်ဘက်က ဟန်နင်းဟာဒင်းဆိုတာတော့အားလုံးသိကြပါတယ်။ ကြောက်မယ်ဆိုလည်း ကြောက်စရာလေ ဆုတွေသူကြီး သိမ်းကြုံးယူနေတာ။ သူကခွဲပေးတယ်ဆိုလည်း တနိုင်ငံတည်းသူ ကလစ်စတားပဲရတာများတာကို။ ခုတော့ သူတို့တွေလည်း မီးစကင်နာနှင့်အတူ စတပ်ဖိဂရပ်တို့ ဟင်းဂစ်တို့နည်းတူ တဖြည်းဖြည်းကြယ်ပွင့်ဟောင်းဆိုတဲ့စာရင်းထဲကို အနားယူပြီးဝင်သွားကြပြီလေ။ ပြောနေလိုက်တာ မမောမပန်းနှင့် အမျိုးသမီးတင်းနစ်မယ်တွေ အကြောင်းပေါ့။ အမျိုးသားတွေထဲမှာလည်း အဂ္ဂါစီ ကိုပဲ ကစားတာကြိုက်ခဲ့တာ။ နောက်ပိုင်းတော့ စပေးဘောတွေနှင့်အဆုံးအဖြတ်ပေးတဲ့အမျိုးသားတွေဟာ ဆုကြေးများပေမဲ့ ဆွဲဆောင်မှုကတော့အမျိုးသမီးပွဲတွေနှင့်စာရင်နည်းနာအမှန်ပဲ။ ဖယ်ဒရာတို့လှလှပပကစားပေမဲ့ သူ့ပြိုင်ဘက်တွေဖြစ်တဲ့ ဖိလစ်ပိုဆစ်၊ အင်ဒီရော့ဒစ်တို့က စပေးဘော အားကိုးကစားတဲ့သူတွေလေ နာဒါယ်တို့ခေတ်လည်းရောက်ရော မကြည့်ဖြစ်တော့ဘူး။ လှလှပပကစားတဲ့သူတွေရှိပေမဲ့လည်း စပေးဘောနှင့်အမှတ်မယူနိုင်တဲ့အမျိုးသားတွေက ကမ္ဘာ့အဆင့်ကိုတက်လှမ်းဖို့မလွယ်သေးဘူးလေ။ အမျိုးသမီးတွေကလည်းအဲဒါကိုလိုက်အတုယူနေကြပြီဆိုတော့ သူတို့သာလှမနေတော့ရင် တင်းနစ်ပွဲတွေနှင့်တဖြည်းဖြည်းဝေးသွားမယ်ထင်ပါတယ်။ ဘောလုံးပွဲပဲကြည့်တော့မှာပေါ့။